Pet međimurskih pjesama
1.Tri dni mi je
Tri dni mi je kak sem došel s tabora,
Otpala je mome konju potkova.
Kovač, majster, potkovaj mi konjića
Kaj bum jahal, tam de moja grlica.
Svetli mesec, svetli meni celo noć
Kaj bum jahal svojoj dragoj ovo noć.
Neće meni svetli mesec svetliti,
Neće mene moja draga ljubiti.
2.Snočka sem ti
Snočka sem ti kesno fućkal i popeval,
Fućkal i popeval, pod oblok dohajal.
Pod oblok dohajal, lepi dar donašal,
Lepi dar donašal, jabuku rumenu.
Čula sam te, čula
Ali nisam smela
Ar' me moja majka,
Ne bo pokarala,
Dojdi dragi zvečer,
Samo stiha dojdi.
Stiha bum ti došel da me ne bo čula,
Ni črna zemljica, ni tvoja majčica.
Stiha bum ti došel, lepi dar donesel,
Lepi dar donesel, jabuku črlenu.
3. Zvira voda
Zvira voda iz kamena,
Hladna studena,
Raste ruža iz korena,
Lepa rumena.
Drugi ljudi nam veliju,
Da smo zaljubljeni,
Ja ti želim draga moja,
Ke se zaljubimo.
Ja te ljubim čistog srca,
Dok bum na svetu,
Boli moje mlado srce,
Ke je zaljubljeno.
4. Kaj se dogodilo?
Kaj se dogodilo, kaj se pripetelo,
Vu beličkoj fari, v Gardinovskem selo,
Jedna devojčica, vu šesnajstem leti,
Več je štela ona, dva dečke imeti.
Ta je devojčica malo črnokožna,
Dečki tak veliju da je jako zmožna.
Dečki so ženili, devojku stvaili,
Pak su v drugim seli, fajn puce dobili.
5. Lehku noć
Lehku noć, lehku noć
Ali ne sakomu, samo jednoj ružici,
Moje drage dušici.
Kaj draga zamudi,
To Marija dostoji,
Dostoj Bog, dostoj Bog
Jezuš i Marija.
Lehku noć, lehku noć
Ali ne sakomu,
Samo jednoj ružici, moje drage dušici.